सातारा:श्रीमंत छत्रपती शिवाजी महाराज यांचे थेट तेरावे वंशज आणि साताऱ्याचे लोकप्रिय खासदार श्रीमंत छत्रपती उदयनराजे भोसले महाराज यांचा वाढदिवस नुकताच अत्यंत उत्साहात आणि अनोख्या पद्धतीने साजरा करण्यात आला. उदयनराजे हे त्यांच्या डॅशिंग आणि हटके स्टाईलसाठी नेहमीच चर्चेत असतात, मात्र त्यांच्या वाढदिवसाचे औचित्य साधून संतोष पवार पाळणावाले आणि त्यांच्या मित्र समूहाने सामाजिक बांधिलकी जपत एक वेगळा आदर्श समाजासमोर ठेवला आहे.
अनोखी साजरीकरण
मुक्या प्राण्यांची सेवा आणि गरजूंना आधारनेहमीच ग्लॅमर आणि गर्दीत साजरा होणारा वाढदिवस यावर्षी ‘सेवा दिन’ म्हणून साजरा करण्यात आला. यामध्ये दोन प्रमुख उपक्रम राबवण्यात आले:
गोशाळेला मदत: साताऱ्यातील शाहूपुरी येथील गोशाळेतील गाईंसाठी चारा आणि खाद्याचे वाटप करण्यात आले.
आश्रम शाळेत अन्नदान: साताऱ्यातील आश्रम शाळेतील विद्यार्थ्यांना अन्नदान करून महाराजांच्या वाढदिवसाचा आनंद त्यांच्यासोबत साजरा करण्यात आला.मान्यवरांची उपस्थिती या स्तुत्य उपक्रमावेळी संतोष पवार पाळणावाले मित्र समूह, सभापती अशोक शेडगे मित्र समूह, तसेच अण्णा लेवे मित्र समूह आणि साताऱ्यातील इतर अनेक मान्यवर मोठ्या संख्येने उपस्थित होते.”महाराजांची स्टाईल जितकी अनोखी आहे, तितकीच त्यांची जनसामान्यांप्रती असलेली माया मोठी आहे. त्यामुळेच त्यांचा वाढदिवस हार-तुरे आणि गाजावाजा करण्यापेक्षा मुक्या प्राण्यांची सेवा आणि गरजूंच्या पोटात घास घालून साजरा करण्याचा निर्णय संतोष पवार पाळणावाला यांनी घेतला,” असे मत यावेळी आयोजकांनी व्यक्त केले.साताऱ्यातील या अनोख्या उपक्रमाची सध्या सर्वत्र चर्चा असून, “राजाचा वाढदिवस, राजासारखाच साजरा झाला” अशा भावना सातारकर व्यक्त करत आहेत.
